Gorde itzazu beti hotzean, dendako paperean bilduta eta tupper baten barruan bada hobe. Horrela azkar ez lehortzea lortuko duzu. Hala ere, gure gomendioa epe laburrean kontsumituko duzun kopuruak erostea da eta gazta ahalik eta azkarren kontsumitzea. .

Lehenik eta behin, azal natural bat eta azal artifizial bat bereizi behar dira. Hasiera batean, azal naturalak jan daitezke. Gazta heltzeko prozesuan berez sortzen direnak dira, lizunak eta legamiak gainazalean garatzen dira. Gazta batzuk heltze-prozesuan eskuilatu egiten dira lizun horien zati bat kentzeko. Beste batzuk urarekin eta gatzunarekin garbitzen dira bakterioak hazteko. Gazta baten azala jan ala ez aukeratu, gure ustez, azalak gaztari egiten dion ekarpenaren araberakoa izango da. Azal batzuk desatseginak, mingotsak edo gogorrak izan daitezke jatean. Aitzitik, ore biguneko gure gazten kasuan, funtsezkoa da azalarekin jatea, zaporea, testura eta izaera ematen baitie. 

Donostiarra zara ala eguna pasatzera zatoz eta dendatik pasatu nahi duzu? Egin zure eskaera, markatu dendan jasotzeko aukera eta jaso eskaria ilararik egin gabe. Arratsalderako prestatuko ditugu goizean egiten diren eskaerak, edo beste une batean jaso nahi baduzu, adieraz iezaguzu noiz eskaera amaitzean.

Ekitaldi puntualak egiten ditugu eta guk geuk antolatzen ditugu bertako gaztagileen komunitatea handitzeko. Ideia bat baduzu eta forma ematen laguntzea gustatuko balitzaizuke, idatzi iezaguzu!

Zure hurrengo ekitaldi edo festan gazta gonbidatuen esperientziaren parte izatea nahi duzu? Begiratu hemen orain arte egin ditugun gauzak eta idatzi info@elkano1.com helbidera zure ideia kontatuz. Zure gustuetara egokitzen gara eta zure beharren araberako formatura moldatuko gara.

Gure online dendan aurrez diseinatutako gazta taula batzuk ditugu, baina zerbait pertsonalizatuagoa edo aurrekontu jakin bati egokitzen zaion zerbait nahi baduzu, eskatu eta moldatu egingo gara.