Sugaar

Gazta

Ondare gaztaren anaia, Sugaar ardi latxa esne pasteurizatuarekin egindako koagulazio laktikoko gazta. Hasierako prozesua Ondarearena bezalakoa izanik, Sugaarrak zakuko desueratze prozesu bat jasotzen du moldekatu baino 24 ordu lehenago, eta, horrela, Ondarea egiteko prozesutik bereizten da. Desmoldea egin ondoren, landare errautsez estaltzen dugu eta geotrichumaren garapenarekin batera, azal gris, zimurtsu eta belusduna du.

Ba al zenekien...?

Entsaladak egiteko aproposa da, baina plater askotan erabil daiteke. Xehatua, labean gratinatua, sandwich edo pizzan urtua... Chutney eta marmelada gozoekin ondo doa. Ahuntz gazta dela uste dute askok, baina ez!